Aaibeh nuvaa thasveeru

ޢައިބެއްނުވާ ތަޞްވީރު ( ފޮޓޯ )

ބުނެވޭ ގޮތުގައި ރަސްކަލަކީ އިންސާފަށްލޯބިކުރައްވާ ޢާންމުރައްޔިތުންގެ އިޙުސާތަކަށް ޤަދަރުކުރައްވާ ރަސްކަލެކެވެ. ނަމަވެސް އެމަނިކުފާނަކީ ކޮރު އަދި އެއްލޯ ކަނު ބޭފުޅެކެވެ.

އެއްދުވަހަކު އެސަހަރުގެ މޮޅު ކުރެހުންތެރިން އެއްކުރެއްވީ އެމަނިކުފާނުގެ ފޮޓޯއެއްކުރެއްސެވުމަށެވެ.

އަދި އެމަނިކުފާނުގެ އެއްވެސް ޢައިބެއް ނުފެންނާނެހެން ކުރެހުމަށް ކުރެހުންތެރިނަށް އެމަނިކުފާނު ޝަރުޠުކުރެއްވިއެވެ.

ނަމަވެސް ހުރިހާ ކުރެހުންތެރިންވެސް އެފަދަފޮޓޯއެއްކުރެހުމަށް އިންކާރު ކުރިއެވެ.

އެފަދަ ފޮޓޯއެއް ކުރަހާނީވެސް ކިހިނަކުންހެއްޔެވެ. އެމަނިކުފާނަކީ އެއްލޯ ކަނު ބޭފުޅެއްވިއްޔާއެވެ.

އަދި ދެފައިމައްޗަށްކުޅޮށްހުންނަގޮތަށްވެސް ދައްކުވައިދޭނީ ކިހިނަކުންހެއްޔެވެ. އެމަނިކުފާނަކީ ކޮށު ބޭފުޅެކެވެ.

ނަމަވެސް އެޖަމާޢަތުގެ ތެރެއިން އެއްކުރެހުންތެރިޔަކު ދެންނެވިއެވެ. މަނިކުފާނުގެ ފޮޓޯ އަޅުގަނޑު ކުރަހާނަމެވެ.

އަދި އެތަސްވީރު ކުރަހައިނިމުނުއިރު އެމަނިކުފާނުގެ ރީތިކަން މިސާލެއްނެއްފަދައިން ފުރިހަމަކަން ދައްކުވައިދިނެވެ.

ފޮޓޯ ކުރެހިއިރު ރަސްގެފާނު ހުންނެވީ ބަޑި ހިއްޕަވައިގެން ޝިކާރަކުރެއްވުމަށް ނިޝާން ބަރާބަރުކޮށްލައިގެންނެވެ. އެކަމަށްޓަކައި ހުންނެވީ އެއްލޯ މަރުއްވައިގެންނެވެ.

އަދި ކޮރުފައި ބިންމަތީ ކަކޫ ޖައްސަވައިގެން އިށީދެ އިންނެވިގޮތަށް ކުރެއްސެވުމަށްފަހު އެފައިގެ ޢައިބުވެސް ކުރެހުންތެރިޔާ ފޮރުއްވިއެވެ.

އަދި ވަރަށްފަސޭހަކަމާއެކު ކުރެހުންތެރިޔާ އެރަސްގެފާނުގެ އެޢައިބުތައް މިފަދައިން ފޮރުވާލިއެވެ.

އެހެންމީހުންގެ ޢައިބުތައް މިފަދައިން އަހަރެމެންވެސް ފޮރުވާލަމާހިނގާށެވެ.

އެހެނީ އެހެންމީހުންގެ ޢައިބުތައް ކިތަންމެ ހާމަކަންބޮކޮށްހުރިނަމަވެސްމެއެވެ!!

އަދި މީހުންގެ ކުރިމަތީގައި އެހެންމިހުންގެ ވާހަކަދެކެވޭހިނދު އެމީހުންގެ ޢައިބުތައް ފޮރުވާލަމާ ހިނގާށެވެ!!

އެހެނީ އެއްވެސް އިންސާނަކީ ޢައިބުތަކުން ޠާހިރުވެގެންވާމީހެއްނޫނެވެ.

އެހެންމީހުންގެ ރަނގަޅު ސިފަތައް ބަޔާކޮށް އެހެންމީހުންގެ އުފަލަށްޓަކައި ދެކޮޅުވެރިކަން ދޫކޮށްލަމާހިނގާށެވެ!!

-- ޢަލީ ނަޢީމް --

Aguhuri Bas kolheh!

ޙަޟުރަތު ޢުމަރު ރަޟިޔައްﷲ ޢަންހުގެ އަގުހުރި ބަސްކޮޅެއް!

ތަރުޖަމާ: ޢަލީ ނަޢީމް / މ.ވޭވަށް

1.     ޣަނީމާ މުދަލުގެ އެނދުންވެރިކަމުގައި ފުރާނަ ނުރައްކަލުގެ ތެރެއަށް ނުލާށެވެ.

2.     ބަސްމަދު ކަމަކީ ޙިކުމަތްތެރިމަކުގެ ޢަލާމާތެކެވެ، މަދުން ކެވުމަކީ ޟިއްޙަތަށް ރައްކަތެރިކަމެކެވެ، އަދި މަދުން ނިދުމަކީ އަޅުކަމެކެވެ. (1)

3.     މީހަކަށް ނަފުރަތު ކުރާނަމަ އެމީހަކުދެކެ ބިރުން އުޅޭށެވެ.

4.     ޝަރުޢީ ޢުޛުރަކާނުލައި ދެނަމާދު އެއްކޮށް ކުރުމަކީ ބޮޑުފާފައެކެވެ.

5.     މީހަކާ އިނދެގެން އުޅޭނަމަ ހަނގުރާމަވެރިޔަކަށް 4 މަހަށްވުރެ ގިނައިން ހަނގުރާމައި އުޅޭގެން ނުވާނެއެވެ.

6.     ދަރިން ގިނަވެފައި އަތްމަތި ދަތިވުމަކީ އެންމެބޮޑު މުޞީބާތެވެ.

7.     ކޮންމެ އެއްޗެއްގައި ރީތި ކަމެއްވެއެވެ. ހެޔޮކަމުގެ ރީތި ކަމަކީ ވަގުތުން އެކަމެއް ކުރުމެވެ.

8.     އަމިއްލަ ނަފުސުގެ ސިއްރުތައް ހާމަނުކުރާމީހާ އެމީހާ އެވަނީ އެމީހާގެ މުށުތެރޭގައެވެ.

9.     އީމާންކަމުގެ ފަހަށް ހެޔޮލަފާ އނަބަކުލިބުމަށްވުރެ ބޮޑު ނިޢުމަތެއް ނުވެއެވެ.

10.                        ގިނަގިނައިން ހީނދާނަމަ މީހުން އެމީހަކުދެކެ ޖެހިލުންވާ މިންވަރު ކުޑަވާނެއެވެ.

11.                        ގިނަގިނައިން މަޖާކޮށް ސަކަރާތް ޖަހާމީހުންނަށް މީޙުން ޤަދަރުކުރާ މިންވަރު ކުޑަވާނެއެވެ.

12.                        ގިނައިން އަނގަތަޅާމީހުން ކުށްކުރާލެ ގިނަވާނެއެވެ.

13.                        އެމީހެއްކުއްކުރާމިންވަރު ގިނަވެއްޖެނަމަ އެމީހަކު ލަދުކުޑަވާނެއެވެ.

14.                        ލަދުކުޑަމީހެއްނަމަ އެމީހަކު އަޅުވެރިކަން ކުޑަވާނެއެވެ.

15.                        އަޅުވެރިކަން ކުޑަމީހެއްނަމަ އެމީހެއްގެ ހިތް މަރުވާނެއެވެ.

Maru

މަރު، ޤަބުރު، ވަގުތު، އާޚިރަތް ( ފަހުދުވަސް )

maru, Qaburu, vaguthu adhi Aakhirai ( fahudhuvas )

ޖަންގަލީތެރެއިން ސިންގާއެއް މީހެއްގެ ފަހަތު އަޅުވާލިއެވެ. ފުރާނަ ސަލާމްކުރުމަށް އެމީހާ ވަޅަކަށް ފުންމާޅިއެވެ. އަދި އެތަނުގައިވާ ވާގަނޑެއްގައި އެލިގަތެވެ. ތިރިއަށް ބާލާލިހިނދު ވަޅުގެ އެންމެއަޑީން ފެނުނީ ބޮޑު ހަރުފައެކެވެ. ދެންކުއްލިއަކަށްފެނުނީ ދެމީދާ ( ހުދު އަދި ކަޅުކުލައިގެ ) އައިސް އޭނާ އެލިގަނެގެންއޮތް ވާގަނޑު، ކަނޑަމުންދިޔަތަނެވެ. ހަމައެޔާއެކު އެތަނުން ދެންފެނުނީ މާމުއި ހަތައެކެވެ. އެހަތައިން މާމުއި ނަގައި އޭނާ ރަހަބަލާލިއެވެ. މާމުއިގެ މީރު ފޮނިރަހަ ޖެހުމާއެކު މަތީގައި އޮތް ސިންގާޔާ ތިރީގައިވާ ބޮޑު ހަރުފަޔާ އަދި އެއްކަލަ ދެމީދާ މަތިން އެމީހާ ހަނދާން ނެތިއްޖެއެވެ. އެންމެފަހުން ހަމަވެއްޓެންއޮތީ ތިރިއަށެވެ.

އިމާމު ޣަޒާލީ ވިދާޅުވިއެވެ. މިވާހަކައިގަވާ ސިންގާއަކީ " މަރެވެ." އެވަނީ އަބަދުވެސް ތިބާގެ ފަހަތުގައެވެ. ހަރުފަޔަކީ " ޤަބުރު"އެވެ. އެއީ ހަމަކޮންމެގޮތެއްހަދާފަވެސް ދާންއޮތްތަނެވެ. ދެމީދަލަކީ " ރޭގަނޑާއި ދުވާލު" އެވެ. އެއީ ތިބާގެ ހަޔާތް ( ވާގަނޑު ) މަޑުމަޑުން ކަނޑަމުން ގެންދިޔައީއެވެ. އަދި މާމުޔަކީ " ދުނިޔެ" އެވެ. އޭގެ ކުޑަމިންވަރެއްވެސް ރަހަބަލާލުމުން ތިބާ " މަރު،ޤަބުރު، ވަގުތު، އާޚިރަތް " މަތިން ހަނދާންނެތުނީއެވެ.

ތަރުޖަމާ: ޢަލީ ނަޢީމް

Ummeedhu Kandaa Nulaasheve

މިދުނިޔެއަކީ ފަނާވަނިވިތަނެކެވެ. ނަމަވެސް އުއްމީދު ކަނޑާނުލާށެވެ.

18 މެއި 2012

ޢިމާރާތުގެ 10 ވަނަބުރިން އަހަރެން ފުންމާލިއިރު އަހަރެންގެ މުޅިހަޔާތްވަނީ ހިތާމަޔާއި ހިތްދަތިކަމުން ފުރިފައެވެ. ޙައްލުކުރާނެމަގެއްނެތި ހަމައެކަނިއަހަންނަށްފެނުނު މަގަކީ އަމިއްލެއަށްމަރުވުމެވެ. ފުންމާލާނީ ބާއޭ ނުފުންނާމީބާވައޭ ހިތަށް އަރަމުން އެންމެފަހުން ހަމަ ފުންމާލީމެވެ.

9 ވަނަ ބުރިޔާ ހަމައަށްއައިއިރު އަހަ ކަމަކުދާކަށް ނެތެވެ. އެދެމީހުންގެ ލޯބީގެވާހަކަޔާއި ހަމަޖެހޭ ދިރިއުޅުމުގެ ވާހަކައިން މިސާލުޖަހާލެވޭ ދެމަފިރިން ޒުވާބުކޮށް ގަޔަށް އަތްލަނީއެވެ. ހަޤީގަތުގައި މީ އުފަލުގައި އުޅުނުބައެއްނޫންތާއެވެ.

8 ވަނަބުރިޔާ ހަމައަށް އައިއިރު އެޢިމާރުގައި އެންމެ ސަކަރާތްޖަހާ މަޖާކޮށް އެހެންމީހުން ހުނުމަށް މަޖުބޫރުވާފަދަ ކަންތައްތައްކުރާ ޒުވާނާ އޭނދަފެންނަނީ އެކަނި އިނދެ ރޯތަނެވެ.

ވެއްޓެމުން އައިސް 7 ވަނަބުރި:

އަހަރެމެންގެ ޢިމާރާތުގައި އުޅޭ އެންމެ ބުރުސޫރަތީ އެންމެ ފިޓްކޮށްއުޅޭ މީހާ މިފެންނަނީ މުޅިން އެހެންގޮތަކަށެވެ. އެކަނީ ހާދަހާވާ ގިނަބޭހެކެވެ. ދިރިވެސް އެހުންނަނީ ބޭހުގެ އެހީގައެވެ. އެފަކީރު ހަމައެހާބަލީހެއްޔެވެ؟

6 ވަނަބުރިޔާ ހަމަޔަށް އާދެވުނުއިރު ފެންނަނީ އެޢިމާރާތުގައި އުޅޭ އިންޖީނިޔަރ އިންހަދާފަހުރި އެކުވެރިޔާއެވެ. މީގެ 5 އަހަރުކުރިން ކިޔެވުން ނިންމާލިގޮތަށް ވަޒީފައެއްލިބޭތޯ އެދުވަހުންފެށިގެން ކޮންމެދުވަހަކުވެސް ހުސް ވަޒީފައެއްއޮތްތޯ ނޫސްކިޔަނީއެވެ.

5 ވަނަބުރިޔާ ހަމަޔަށްއައިރު ފެނުނީ އަހަރެމެންގެ އަވަށްޓެރި މުސްކުޅިޔާއެވެ. ނިކަމެތި މުސްކުޅިޔާ އަބަދުމެ ހުންނަނީ އޭނާގެ ދަރިން އޭނާގެ ޙާލުބަލަންއަންނާނީ ކޮންއިރަކުންތޯ ބަލާލަބަލާލައެވެ. ނަމަވެސް ދުވަހަކުވެސް އެއިންއެކަކުވެސް އެގޭގެ ދޮރުގައި ޓަކިވެސް ޖަހައިނުލައެވެ. އެމުސްކުޅިޔާ އެފެންނަނީ ކިޔާ ނުތަނަވަސްކޮންހެއްޔެވެ.

4 ވަނަބުރިން ފެނުނީ ރީތިކަމާއި ހިތްހެޔޮކަމުގެ މިސާލުޖަހާލެވޭ އަވަށްޓެރިޔާއެވެ.  އެކަނބުލޭގެގެ ފިރިމީހާ މަރުވިތާ މިހާރު 3 އަހަރެވެ. އެންމެންވެސް ހީކުރަނީ އޭނަގެ ހިތާމަތަށް ފިލައިހިނގައިދާނެކަމަށެވެ.  އެކަމަކު މިހާރުވެސް އެކަނބުލޭގެ އެއިނީ މަރުވި ފިރިމީހާގެ ހަނދާނުގައި ފޮޓޯހިފައިގެން ރޯށެވެ.

ޢިމާރާތުގެ 10 ވަނަބުރިން ފުންމާލުމުގެ ކުރިން އަހަރެންހީކުރީ މިދުނިޔޭގައިހުރި އެންމެ ހިތްދަތި އެންމެ ހިތާމަވެރި މީހަކީ އަހަރެންކަމުގައެވެ.

މިދުނިޔޭގައި އުޅޭ ކޮންމެމީހަކުވެސް އުޅެނީ ހަމަ ތަފާތުމައްސަލަތަކެއްގައި ފިކުރުކުރުމުގައެވެ. މިކަން އަދި މިއެނގުނީ މިހާރުއެވެ. މިކަމުން އަހަންނަށް އެނގުނުކަންތައްތަކަށް ބަލާއިރު އަހަންނަށް ދިމާވެފައިވާ ކަނަތައްތަކަކީ އެހާ ބޮޑެތިކަންތައްތަކެއްވެސް ނޫނެވެ.

ފުންމާލުމުން ވެއްޓިގެންއައިއިރު އަހަންނަށް ފެނުނުހުރިހާ މީހުންތިބީ މިހާރު އަހަރެންނާދިމާލަށް ބަލާށެވެ.

ތިބާއަށް ދިމާވެފައިވާ މުޞީބާތްތަކައި އުނދަގޫތަކަށްވުރެ އެހެންމީހުން ތަހަންމަލުކުރާ ހިތްދަތިކަމާއި އުނދަގޫތައްމާބޮޑުކަމުގައި ވިސްނާނަމަ، ތިބާ އުޅޭނީ ކިހާއުފައެއްގައިހެއްޔެވެ. އަދި ހެއްދެވިފަރާތައް ކިހާ ޝުކުރެއެއްއަދާކުރާނެހެއްޔެވެ.

އޭ! ރަޙުމަތްތެރީންނެވެ. މިދުނުޔެއަކީ ފަނާވެދަނިވި ތަނެއްކަމުގައިވިޔަސް އެއްގޮތަކަށްވެސް މާޔޫސްނުވާށެވެ. މިދުނިޔޭގައިވާހުރިހާ އެއްޗެއްގެ އަގުވެސް ﷲ ގެ ޙަޟުރަތުގައި މަދިރީގެ ފިޔައެއްގެ ވަރުވެސްނުވެއެވެ.

އަދި ދަންނާށެވެ. މާތްﷲ ވޮޑިގެންވަނީ ކެތްތެރީންނާއެކުގައެވެ.

ތަރުޖަމާ: ޢަލީ ނަޢީމް

02 ޖުލައި 2012

Eemaan, Yaqeen adhi Ummeedh

އީމާން،( ޤަބޫލުކުރުން ) ޔަޤީން އަދި އުއްމީދު

ވާރޭ ނުވެހި ވަރަށް ގިނަދުވަސްތަކެއްހޭދަވެގެންދިއުމުން ރަށުގެހުރިހާ އެންމެން އިސްތިސްޤާ ނަމާދު ( ވާރޭ ވެއްސެވުމަށްއެދި ކުރާނަމާދު ) ކުރުމަށް ނިންމިއެވެ. ގަނޑައެޅީފައިވާ ވަގުތަށް ނަމާދުކުރުމަށް ހުރިހާ އެންމެން އެއްތަނަކަށް އެއްވިއެވެ. އެތަނުން އެކަކު އައީ އެންމެންނާ ޚިލާފަށް ކުޑައެއްވެސް ހިފައިގެންނެވެ.

ފުރިހަމަ އީމާންތެރިކަމަކީ އެއީއެވެ.

ތުއްތުކުއްޖަކު ކުރަމުންދާ ކަހަލަ އިހުސާސެއް ތިބާވެސް ކޮށްލާށެވެ.ތިބާ، އެކުއްޖާ މައްޗަށް އެއްލާއިރުވެސް އޮންނާނީ ހީނލަ ހީނލައެވެ.  އެހެނި އެކުއްޖާ ވެއްޓުނަނުދީ ބާރަށްތިބާ ހިފާއްޓާނެކަމުގެ ޔަޤީންކަން އެކުއްޖާއަށް އޮވެއެވެ.

ޔަޤީންކަން ކިޔަނީ މިޔަށެވެ.

އަހަރެމެން ނިދަންއޮށޮންނައިރު ޖެހިގެން އަންނަދުވަހުގެ، އިރުގެ އަލިގަންފެންނާނެކަމުގެ ޔަޤީންކަންއެއްވެސް މީހަކަށް ނޯންނާނެއެވެ. މިހެން މިކަންއޮންއިރުވެސް ޖެހިގެންއަންނަދުވަހަށް ކޮންމެވެސް ކަނތައްތަކެއް ނުރާވައެއް އެކަކުވެސް ނުނިދައެވެ.

މިއަށްކިޔަނީ އުއްމީދެވެ.

ތަރުޖަމާ: ޢަލީ ނަޢީމް

19 މެއި 2012